Windows of Life

তপত খৱৰ কুউউউউউ..... পাইলটে হৰ্ন বজাই দিছে। উপায় নাই এমাহ মান আগৰ পৰাই অত ত'ত জেক লগাই ফটা এক্সপ্ৰেচৰ ইন্জিনৰ ভিতৰত বহিছেহে কোনোমতে। দুবাৰমান মিটবিহিন মীট পাতিম বুলি ধমকনিও দিছে। তাৰপিচত অ'হিংসাহে পৰম ধৰ্ম বুলি বুটৰডাইলৰ লগত লুচি খুৱাম বুলি আপলোডোৱাৰ দিনাৰ পৰাই এটাও লেখনি নোপোৱা হৈছে। ইফালে ফটা এক্সপ্ৰেচৰ ডিপাৰ্চাৰ টাইম আহি পোৱাত লগে লগে দিপামেডামকে চাৰ বুলি মাতি মাতি ডিলে কৰাই আছে। সিফালে হেকাদাইও ডেডলাইন ডেডলাইন বুলি ধমকি দি আছে। এইবাৰ পাইলটে লাইনৰ পোস্টৰ আগত ডেড হৈ যোৱা বেটাৰীটো থৈ এটা ছেল্ফী তুলি আপলোডাই দিলে। হেনশুনি পদূলিশুঙা চকুচৰহা পৰমাণু মহন্তই বেয়া বেয়াকৈ পোস্টাই দিলে। গোলাপী গেঙেও এই সুযোগতে ব্ৰহ্মবাজন দিও বুলি ধাণ্ডা কৰোতেই কোনোমতে শ্ৰী বিজয়ে শকুনিৰ ভাও এৰি মন্থৰাৰ ভেজৰোলটো লৈ ল'লে। পাইলটে বুজি পালে যে এয়া ৰামায়ণ পঢ়ি মহাভাৰতৰ কাহিনী কোৱাৰ নিচিনাহে হৈ গৈ আছে। ইফালে সেয়ে স্টেচনতে পোৱা পকৰি আৰু টেঙা ছকলেট চোৱাই চোৱাই পাইলটে আহি ব্ৰেক মাৰি মাৰি আদাবাৰী, আদাবাৰী খালী গাড়ী গাড়ী বুলি পেপাই আছে। সেয়েহে অনুগ্ৰহ নকৰিলেও ৰাইজে ফটা এক্সপ্ৰেচৰ খালী ছিট কেইটা ভৰি যাব প...

সোঁৱৰণিৰ পাৰঘাট : দাগ : হো ল' , ভালকে খাই ল'। এইখিনি খোৱা হ'লে আৰু অলপ ভাত দিম, গাখীৰ - কলসানি শেষত খাবি। বেচিকে বেচিকে ভাত খালেহে সোনকালে ডাঙৰ হ'ব পাৰিবি। এহেতা ভাত দিবলৈ আগবাঢ়ি অহা মাৰ উন্মুক্ত বাহুটো চকুৰ আগত জিলিকি থাকিল। ভাত দিবলৈ হেতাখন আগবঢ়াই দিওঁতে চাদৰখন অলপ উঠি যোৱা বাবে বাহুটো উন্মুক্ত হৈ পৰিছে। বাহুত তিনিটা দাগ। গোলাকাৰ কিন্তু আকাৰৰ ভিন্নতা আছে। একেধৰনৰ দাগ ঘৰৰ সকলোৰে হাতত দেখিছো। দেউতা, খুৰা, মামা, মাহী, পেহীকে আদি কৰি প্ৰায়বোৰ ডাঙৰ মানুহৰ বাহুত এই দাগ দুই তিনিটাকৈ আছে। এবাৰ খুৰাই কৈছিল যে সৰুতে টীকা লোৱা বাবে এই দাগবোৰ থাকি গ'ল। কি টীকা বুলি সোধাত কৈছিল যে গৰম লোহা বাহুত লগাই দিছিল যাতে কৰবাত হেৰালে বিচৰাত সুবিধা হয়। গৰম লোহাই চালবোৰ পুৰি ঘাঁ কৰি দিয়া বাবে ইমান দিনে দাগবোৰ মচ খাব পৰা নাই। একো নামাতি বা নুসুধি সেই স্থান এৰিছিলো। শংকা গভীৰ। নিজে ইমান কস্ট পাইছে যেতিয়া আমাক দাগ নিদিয়াকৈ থাকিবনে? নিদিবলৈ অনুৰোধ কৰিলেও যে আমাৰ অনুৰোধ অৱক্ষান হ'ব সেয়াও ধুৰূপ। গতিকে সময়ৰ ওপৰত কথাটো এৰি দি ভগৱানক সাতসেৱা কৰি থৈছিলো। কাপোৰৰ মোনাখনৰ পৰা ফলি, কিতাপ...

ছন্দশিল্প : পংক্তি ২ পংক্তি ২ বাগৰটো সলাব লওঁতেই নাকত লাগিলহি গোন্ধটো বিচনা ছাদৰখনত বিয়পিচে পিতাইৰ কেঁচা ঘাম, আইৰ চকুলোৰ দাগ আৰু সুগন্ধি তেলৰ সুবাস অৱসাদবোৰ দেখোন আতৰি পলাল।

অনুৰণন (ক) প্ৰতি দিনে তুমি আহি দিয়া এপাহি ফুল। অ' জীৱন তুমি ৰহনীয়া ৰঙৰে বোল। গুনগুনাই আছে খিড়িকীৰ পৰ্দাখন। হালি জালি নাচি আছে কেলেন্ডাৰৰ পাত তিনিখিলা। বেৰখনত শব্দ কৰি আঘাট কৰাৰ ফলত ঈষৎ দুৰ্বলৰেখা এডাল যেন নিৰ্মিয়মান অৱস্থাত ৰৈ আছে। সুবিধা পালেই যেন দেৱালখনত নিজৰ স্বাক্ষৰ লিখি দিব কেলেন্ডাৰৰ পাতল বাউডালে। হাতত থকা টাৱেলখনেৰে ঠাইখিনি অকনমান মোহাৰিলে চান্ড্ৰাই। গানটো তাইৰ ভাল লাগে। সেয়ে ঘৰত কোনো নথকা সময়ত তাই ম'বাইলত গান লগাই নিজৰ কামবোৰ কৰে। ইচ্ছা কৰিলে মিউজিক চিস্টেম বা এল ই ডি টিভিটো তাই গান শুনিব পাৰে। কিন্তু ৰেডিঅ'ত গান শুনি ডাঙৰ হোৱা চাণ্ড্ৰাই এনেকৈ ম'বাইলতে গান শুনি শুনি কাম কৰে। বিশেষকৈ অসমীয়া গানবিলাক। দুদিনমান আগতে তাই এই গীতটো য়ুটিউৱত মাৰ্ক কৰি থৈছিল, সময় পালেই শুনিব বুলি। নীৰৱ ওভতি আহোতে পলম হ'ব ইফালে আৰাৱ স্কুলৰ পৰা আহি শুই আছে। এঘণ্টা সময় তাই কোঠাটো সজাই পৰিস্কাৰ কৰিয়েই কটাব বুলি ভাবিছে। গতিকে গানৰ মাজত নিজক ডুৱাই দি তাই লাগি আছে কামত। জন্মসূত্ৰে চিলঙীয়া চাণ্ড্ৰাৰ অসমীয়া গানৰ প্ৰতি ৰাপ আছে বুলি বহুত কমেহে জানে। আৰে জানিবনো কেনেকৈ? অসম বা অসমীয়াৰ লগত...